6 years, 1 month ago-
MUSONERA Jonathan
Uyu mugabo utuye mu Bongereza, afite akalimi gatyaye cyane agakunda no kwigaragaza uko atali kugira ngo abone uko asahura yitwaje umwanya yali afite muli RNC. Dore ibintu bibi bifite gihemya byamugaragayeho :
Uyu mugabo ni umuntu w’umunebwe. Ntabwo ashaka kuba nk’abandi bagabo ngo ashake akazi akore. Yahisemo kujya yilirwa abunga mu ngo z’abantu acura amatiku ngo aho alimo arakora politiki.
Uyu mugabo yavukiye mu mulyango wali ukennye cyane ku bulyo akili muto we na murumuna we bavuye iwabo bahunze imibereho mibi bakajya kuba ku muntu wali ufite restaurant i Nyanza mu mujyi tudashaka gutangaza amazina ye tutabifitiye uburenganzira aliko initiales z’amazina ye ni M. I. (Musonera nasoma iyi nyandiko aramumenya). Uyu musaza ubu ali mu buhungiro Kampala aho yahungiye amaze igihe gitoya afunguwe yali amaze mu buroko imyaka irenga icumi afunzwe aregwa icyaha cya génocide.
Uyu mugabo Musonera Jonathan ukunze gushaka kwigaragaza nk’umuntu ufite ubwenge bwinshi yiga guhora asobanura amateka y’u Rwanda atazi, ni umuntu wize amashuli make cyane. Nyuma y’amashuli ya primaire yalihiwe n’uliya musaza M. I, Musonera yize amashuli y’imyuga ayo mu Rwanda kera bitaga CERAR. Yize ibyerekeranye no kuba umufundi. Aho muli CERAR mu ishami l’ubufundi nta masomo y’amateka bigaga. Amasomo yose yali ashingiye ku byerekeranye n’ubwubatsi: kubumba amatafali, kumenya kubaka inzu y’amatafali, n’ibindi bijyanye n’uwo mwuga w’ubufundi. Ubwo rero amasomo ya history yihaye kujya yilirwa yigisha abeshya, umuntu yakwibaza aho yayigiye.
Uyu mugabo Musonera yagiye mu gisilikare cya RPA ahagana muli za 1990. Ipeti lya nyuma yagezeho ni Sergent. Aliko nta soni na nke ajya agira zo gutinyuka kubeshya abantu ko ngo yahunze u Rwanda afite ipeti lya Capitaine!!!! Kandi ubwo aba avuga ayo mafuti yirengagiza ko muli ubu Burayi ndetse no muli USA, Canada n’ahandi, halli abantu benshi bahoze ali abasilikare ba RPA bamuzi neza, ndetse halimo n’abamutegetse directement.
Urugero nyarwe rw’ubusambo kabombo bw’uyu mugabo Musonera JonathanMu myaka ibili ishize, uyu mugabo Musonera Jonathan yaje mu Bubiligi yikomeje cyane ngo aje muli gahunda zikomeye za RNC. Erega ubwo abayobozi ba RNC mu Bubiligie bamwakirana ubwuzu bwinshi. Ubwo na ticket y’urugendo ni RNC yo mu Bubiligi yayiguze. Yaje asanga bamukoreye reservation muli imwe mu mahoteli meza ya Bruxelles yitwa THON Hotel byose byishywe nabali bagize comité ya RNC Bruxelles icyo gihe.
Ubwo rero Musonera yarakiliwe cyane araruhuka ni uko ku mugoroba atumiza inama ngo ikomeye yajemo abantu batanu mu bakuru bali abayobozi ba RNC Bruxelles alibo : Alexis Rudasingwa, Jean Paul Murara, Ngarambe Edouard (izina nyakuli ni RUHANGARA Olivier), Nshimiyimana Emmanuel (izina nyakuli ni (GASHUGI Eric) na…CIKURU Mwanamayi Joseph
Muli iyo nama Musonera yahise abatera igipindi gikomeye cyane ababwira ko ngo mu minsi mikeya agiye kujya muli Africa kuyobora urugamba rwa gukuraho FPR!!! Arasobanura biratinda. Ubwo mu kurangiza nibwo yasohoye igipindi cye. Yababwiye ko nta modoka afite kandi akaba atagenda adasigiye umugore we imodoka izajya imufasha. Ubwo rero abo bayobozi ba RNC Bruxelles bagombaga kumushakire byihutirwa amafaranga yo kugura imodoka azasigira umugore mu gihe azaba agiye ku rugamba. Kubera igitutu n’ibikabyo bya Musonera, abo bayobozi ba RNC Bruxelles nta kundi bali kubigenza atali ugushaka vuba amafranga yo kugura imodoka ya nyakwubahwa Musonera Jonathan. Ubwo bahise bakora cotisation byihuta batanga amafranga bakuye ku mufuka wabo ku bulyo bukulikira: Rudasingwa Alexis (500 euros), Murara Jean Paul (500), Ruhangara Olivier alias Ngarambe Edouard (500 euros), Gashugi Eric alias Nshimiyimana Emmanuel (500 euros) naho CIKURU Mwanamayi Joseph niwe watanze menshi (1500 euros).
Ubwo bukeye bwaho Musonera yahise asubira igitaraganya mu Bwongereza ngo kujya kwitegura kujya ku rugamba muli Africa. Ayo mafranga bamuteranyilije mu Bubiligi ni yo yahise agura mo imodoka ya Mercedes ifite ibara ly’icyatsi (green). Yayiguze equivalent y’ama euros 3500.
Ibi bintu ni ukuli Musonera we ubwe adashobora guhakana kuko nyuma yaho habayeho échanges de messages n’abo yali yateye igipindi bamubaza aho kujya ku rugamba bigeze ndetse na za message yaboherereje abashimira akimara kugura iliya modoka…. Izo message n’ubu ziracyahali nibiba ngombwa zizatangazwa.
Urwo rugamba rwa Musonera Jonathan abantu bararutegereje imyaka ubu ibaye ibili, ntawe uzi aho rwahereye. Rwagiye nka za nyoni….!!!!
Urukundo rwihaliye umunyamanyanga Musonera Jonathan afitiye mugenzi we CIKURU Mwanamayi Joseph narwo ngira ngo rurasobanutse neza. Mwabonye ko muli iliya Fund Raising yo kugura imodoka aliwe watanze menshi nkaho yali alimo kwigura cyango kugira icyo ashaka. Kandi na nyuma yaho yakomeje guha Musonera amafranga dore ko yabaga yayabonye atayaruhiye ayahuguje impunzi zagowe cyango yacuruje ibipapuro bya Fakes.
Ubusambo nk’ubu rero ni yo ntandaro nyayo yateje ibibazo muli RNC kubera abantu biyitaga ko ngo ali abakuru bayo bameze nka musonera. Aba nibo bamaze iminsi barataye umutwe bakora ibishoboka byose ngo bagundire ubutegetsi, banga amatora kugira ngo bagume mu myanya balimo bakomeze basahure…
Niyo mpamvu mubona ibilimo kuba. Ni cyo gisobanura kidashidikanywaho.
Mu gice cya kabili cy’iyi rubrique y’ibitaravuzwe ku bibazo bya RNC, tuzabagezaho inkuru y’undi muntu muli abo banyamanyanga….
Biracyaza…
That is why I thought it necessary to write you this letter.
Dear Singles,
When you are ready to buy your own shoe please take note of these three things:
PHYSICAL APPEARANCE : Do not look for the beautiful ones, the nice ones or the cheap ones. Look for the one that is your size. Not every handsome, wealthy or intelligent guy is for you, not every beautiful woman is for you. Look for the one that is meant for you, the one that aligns with your values and belief, the one who you meet at your life’s journey. It is important to know where you’re going in life before you think of getting a wife.
POSITION : All sizes of shoes are not placed in the same place.
There is a place for court shoes, laced up shoes, sport footwear, snickers etc. We have Children sizes, young people’s sizes and
the adult sizes. Know where to get your own shoe. Your size cannot be everywhere my brother, your type cannot be everywhere my sister. You cannot be a Christian, and be looking for a wife material at a club. Your wife or husband can’t just be everywhere.
Stick to your values and therein you shall find someone like you,
but when your values are not defined anyone can just match you. Discover yourself and define your values PERCEPTION : In this kind of shoe purchasing enterprise, you are not permitted to try the shoe before you buy. This is why it is important to seek guidance and counseling, from people who have bought shoes before or are into the business of directing people to the right shoes (Pastors and Relationship coaches).
And most importantly to avoid much time wasting time, simply consult the SHOE MANUFACTURER to tell you your size (GOD ALMIGHTY ).
“You do not prepare for wedding, you prepare for marriage.”
Ladies these days get so motivated when they attend wedding and they will quickly want to say yes to that guy. Wait!!! It is not just the wedding oh. The wedding is just one day. After the wedding WHAT NEXT?
Finally, it is not something you rush to the market and just pick
a shoe because you like or can purchase it.
Ask questions
-Where is this shoe made from? (Background)
-What’s the size (Values)
-How much (His/Her interest)
-How long will it last (His/Her Character)
-Who made it? (Is she/He of the same faith This is compatibility)
-Will it match me? (This is whether he/she love you and will accept you the way you are)
Dear one, remember many are dragging their foot and they would hardly reach their destinies, many are feeling endless pains and wish they could pull off the shoes but no way!!! I have seen people with beautiful shoes and when they show you their foot, you will see scars. Beloved, it is not about the physical, it is the size, you can’t know the size from afar so come close, build a relationship first but remember ‘you are not permitted to try it before you buy it’.
And for those who have purchased the wrong shoes, you can still make it your size again if you’d consult the manufacturer(God) and let Him have His way in your marriage.
God bless us all.
1957 ou 1958 – Nyanza (Rwanda) – Fête annuelle en l’honneur du Mwami et présentation des vaches Inyambo.
De droite à gauche : ?, le Mwami Mutara Rudahigwa, la Reine-Mère Kankazi Nyiramavugo (Umugabekazi), la Reine Rosalie Gicanda (Umwamikazi), Mgr Aloys Bigirumwami ( consacré le 1er juin 1952 à Kabgayi par Mgr Déprimoz, vicaire apostolique de Kabgayi), Mgr Perraudin (lui-même consacré par Mgr Bigirumwami en mars 1956), un père blanc.
Abanyarwanda bakwiye gufashwa kwisobanurira ibiriho muri politiki yaba iyo muli oppozisiyo mu buhungiro, opozisiyo mu gihugu, ndetse n’iy’abari ku butegetsi aribo FPR n’amashyaka ayigaragiye nk’utwana ku ibere rya nyina.
Mu by’ukuri si bibi ko habaho amashyaka menshi ndetse ko habaho n’abajya imbere ya rubanda isanzwe mu guharanira kugira igihugu cyiza kigendera ku mategeko kandi giha agaciro ubuzima bw’umuturage. Si na bibi ko buri shyaka ryihitiramo inzira n’uwo bagendana yewe no kugira abava aha bajya hariya cyangwa se bashing andi mashyaka ntibyagombye kuba ikibazo igihe ababikora bafite impamvu nyazo zibibatera. Gusa biba ikibazo iyo ntacyo bimariye abanyagihugu muri rusange, uretse kubangiriza amahirwe yo gutunganirwa no kuzatunganirwa ejo ejobundi.
Ngo zitukwamo nkuru: FPR yabashije gukomeza ubutegetsi ibinyujije mu mbaraga za gisilikali no gukanaga abaturage nta kindi, ndetse biranayihira abaturage baremera barakangika, bityo FPR n’utwana twayo baratunga baratunganirwa ndetse baniyemeza kutazarekura ubutegetsi. Ibyo ni ibisanzwe, iyo umutegetsi yihaye kugumaho ntihagire ubimubuza ahubwo hakabaho guhumiriza no kuryumaho, ariha akihereza uko ashaka agafata iby’abandi akabyita ibye maze isoni zikarisha uburozi abanyarwanda b’amoko yose:
“…Iyo utwaye iby’abandi bakuzi bakurora
Ntibaze barwana ngo bihe agaciro mu maso y’abandi,
Uragenda ukayora ukabita abatinyi …” (Ibyiruka rya Maheru rya Rugamba Sipiriyani).Ku rundi ruhande rero: hari amashyaka ya opozisiyo nayo twabonamo ibice by’abari mu gihugu bagerageza kwigenga nubwo ari nk’ishyaka ryaba rimwe cyangwa se abiri gusa, hakabaho n’amashyak cyngwa se amahuriro akorera mu buhungiro nayo arimo abatitwaje intwaro n’abitwaje intwaro.
Icyo abenshi muribo bahuriyeho ni:
(1) ukutagira amikoro ahagije yo guhangana n’abari ku butegetsi mu Rwanda, bo bigwijeho umutungo wose w’igihugu ishyaka ryabo rikuru rikaba rikize kurusha leta;
(2) Uguhangana n’ikibazo cy’uko ibihugu by’ibihangange ku isi bititaye na gato ku gusaba leta ya Kigali guhinduka kuko ntacyo inyungu zabyo zirabangamirwaho na leta iliho nta n’icyo birabona byahomba iyo leta igumyeho;
(3) kutagira umurongo usobanutse n’igiharanirwa mu by’ukuri;
(4) gushakisha byanze bikunze uko buri wese yabona abamushyigikiye kandi ntacyo akora kigaragara mu kumurikira abanyarwanda bya nyabyo;
(5) kugerageza kubangamira cyangwa se kuvuga nabi abandi bahuriye muri opozisiyo nk’aho byongera imbaraga bwite z’ubikora;
(6) Gutuka ubutegetsi bw’ikigari no kugaragaza cyane amafuti yabwo nk’aho ibyo hari icyo bifasha igihe nta kigaragzwa bo baburusha;
(7) amakimbirane y’urudaca akenshi aganisha mu gucikagurikamo kabiri cyangwa se kenshi: RNC, FDU, FDLR, PS-Imberakuri, …;
(8) kwibumbira mu duhuriro tugari uroye tugamije kongera imbaraga zo kubangamira abari ku butegetsi kandi nta mbaraga nyinshi zishyizwe mu kumurikira rubanda no kwitangira urugamba rwa nyarwo;
(9) kutajya inama;
(10) gushaka kwerekena ko nta cyiza na kimwe abari ku butegetsi bagira, iki kikaba gihuriweho n’abari ku butegetsi nabo bita abo batari kumwe bose “ibigarasha” bitagira umumaro;
(11) kwiziringa no kutikura mu cyondo cy’ivanguramoko cyangwa;
(12) gushaka gupfukirana, guhisha no kubangamira ko amateka y’ubwicanyi bwakorewe abanyarwanda yamenyekana uko ari, buri wese agerageza kuyobya rubanda ngo itamenya ibyabaye ku bo badahuje ubwoko n’uruhare abo babuhuje babigizemo;
(13) indwara y’umuze y’uturere igeraho ikarusha ubukana n’iy’amoko: Kiga/Nduga (mu bahutu) hakaba na Sajya+abarutashye/Abatutsi b’imbere (mu batutsi);
(14) indwara ishingiye ku rurimi nayo itoroheye igihugu: anglophones/francophones. Ibi ni iby’ingenzi ariko hari n’ibindi.
Ni byiza ko umusomyi w’iyi nyandiko asobanukirwa ko hari ibyiza bikorwa n’ayo mashyaka yose yaba aya opozisiyo cyangwa se ari ku ngoma. Kuko ikiremwamuntu ntikigira ibibi gusa, bityo n’amahuriro cyangwa se amashyaka agizwe ‘ikiremwamuntu ntashobora kugira ibibi gusa. Oya. Ibyiza birahari kandi byinshi kuri buri ruhande.
Gusa ibimaze kugaragazwa hejuru birerekana ko nta bushake buhari bwo kuyobora abanyarwanda mu nzira ibazanira umunezero. Ubwo bushake ntibuboneka muriopozisiyo kandi ntibuboneka mu bari ku butegetsi. Birababaje, ariko niko bigaragarira amaso amwe. Ku bw’iyi mpamvu nta kigaragaza ko FPR n’utwana twayo bavuyeho uyu munsi haza amahoro mu banyarwanda, kandi no kutavaho kwabo nta mahoro bitanga:NGAHA RERO AHO ABATEKEREZA N’ABAMURIKIRA RUBANDA BAGOMYE GUTINDA.
Kutagira umurongo abantu basobanukiwe bakarwana gusa batazi gutandukanya ibyihutirwa n’ibitihutirwa, ibyo twakwita “details” n’ibyangombwa koko, biraza bigahuma abantu amaso buri wese agasigara akoresha uburyo bw’uwo bahanganye mu kumurwanya. Birababaje kubona inzira y’ibitutsi by’urujya n’uruza itwara umwanya n’imbaraga z’abaharanira kuyobora igihugu: umpangare-nguhangare mbese! Perezida ati ibigarasha, abamurwanya nabo si ugutuka bakibasira n’umufasha wa perezida ntibasige n’iyonka. Wagira ngo ubuze inganzo n’impamvu yigana amafuti y’uwo bahanganye agira ngo niyo azatuma amutsimbura! Abantu bagahera muri urwo. Ukumva umuntu ngo hakenewe kuzabanza kwiga uko inzego z’umutekano cyangwa se izindi zayoborwa! Iyi ni detail mu zindi. Igituma inzego z’umutekano zibangamira rubanda n’akarere, ni amabwiriza zihabwa, n’imiterere zigenerwa, …
Hagombye guharanirwa mbere ya byose ko inzego z’ubutegetsi zitandukana bityo Abashinga amategeko bakayashyiraho batari ku wa kajwiga no mu kwisobanura ku bagomba kuzayubahiriza, kandi Abaca imanza nabo bakavanwa ku munigo wo kubanza kubaza icyemezo bari bufate mbere yo kugifata. Ibyo bigashyirwamo imbaraga nyinshi cyane. Ubundi itegeko uko ryagena imigenzereze y’ingabo niko zakwitwara riramutse ritari mu kwaha k’inyangabirama! Ikindi gikwiye gushyirwa imbere ni ugusaba no guharanira ko habaho Ifungurwa ry’imfungwa za politiki kuko bizwi uko zagiye zifungwa mu itekinika. Bityo n’ikibazo cy’impunzi kikaza mu bya mbere bishingirwaho urugamba rwo gushaka impiduka.
Hagati aho hari imiryango idaharanira inyungu za politiki n’impirimbanyi zitari mu mashyaka, aho dusanga abagerageza gukora ibishoboka byose ngo batabogama ndetse bagatanga n’ibitekerezo byinshi cyane byuzuye urumuri ku buryo amashyaka atagombye kwitwaza ko yabuze aho avoma. Aha tuhasanga abatishimirwa n’amashyaka muri rusange cyangwwa se abadakundira amashyaka kubakurura mu ntambara zo kubangamira magenzi yayo, kuko nta narimwe baba bagenderaho ahubwo baba bashaka icyakiza ibibazo by’abanyarwanda. Ikibura rero ni icyo twakwita “maturite” cyangwa se urugero ruhagije rw’ UBukure muri gahunda za menshi mu mashyaka ya politiki, ari nabyo biyagiraho ingaruka zikomeye nk’izo tubona.
Hari ingero z’abatanga ibitekerezo n’abafite aho bahagaze badatsimbuka mu kurengera ikiremwamuntu n’ukuvugwa kw’amateka y’u Rwanda uko yakabaye: abanyamakuru cyangwa se abahoze aribo nka Amiel Nkuriza, Jean-Claude Mulindahabi, Ismael Mbonigaba, P Semana, n’abandi bantu nka Joseph Matata, Didas Gasana, Martin Ntiyamira, Guillaume Murere, Joseph Sebarenzi (n’ubwo abigira gake asabwe inama cyangwa se igitekerezo kandi akabikorana umutima ukunda abanyarwanda bose), … Yewe n’abategarugori nka Esperance Mukashema badahisha agahinda kabo ntibahishe n’akabandi bababajwe nkabo, …
Tugarutse tukanatinda kuri RNC na RNC-Nshya, mbese ku mutwe w’iyi nyandiko: Umuntu ateze amatwi ibivugwa akanitegereza ashobora gusanga mu by’ukuri ireme ry’ikirwanirwa ritaboneka mu byiyumviro bitangwa, ahubwo hariho gusobanura impamvu y’ukwivuruguta mu bibazo bitarangira. Micombero ati icyerekana ko urugamba rukomeye kandi impinduka tuyiharanira ni uko ubu inzego zagiyeho rwose hose zirahari. Alexis Rudasingwa ati rwose amatora yagomaga kuba simbona impamvu batayemera kandi aricyo duharanira ko habaho demukarasi (asobanura demukarasi mu buryo bwe nabwo budatomoye neza). Condo na Rudasingwa, ukumva nabo ibyo bavuga ni birebire bias n’ibikikira icyakavuzwe, bikaba bidaha icyizere abanyarwanda babakurikira, uretse kuba byatera benshi kwibaza byinshi! Wakomeza gutega amatwi abasobanuza n’abasobanura, ukazumva ngo noneho byageze no mu mapeti ya gisilikali abenshi banambuwe n’inkiko, muri make atakibaho, aka ya ndondogozi y’ikirondwe yumiye ku mwite inka yarariwe cyera!
Rudasingwa yigeze kuvuga mu nama mu bubiligi n’abo bahuriye mu ihuriro (andi mashyaka yishyize hamwe na RNC), ati tubanze dufate (dukacire) ibindi bizaza tuzaba tubiganiraho tubyumvikaneho! Ibi nta bwoba biteye mu kubyumva no mu kubivuga! Urwo rukaba ari urugamba rero ruhuruza abagabo? Rwo gukacira ibindi bikazaba biza!
Inama: Gutuza, kuva mu bitutsi no kuva mu bitotsi, gutekereza ku nzira ikwiye no ku gikwiye kuba kirwanirwa, ubworoherane no kugerageza gufatanya aho bishoboka hose, guhanahana ibitekerezo n’amakuru, gufatanya imishinga hagati y’amashyaka no kwegeranya ubushobozi ku mushinga uyu n’uyu usaba uburyo ishyaka rimwe ritapfa kwibonera, kwivanamo ku uri ku butegetsi ari mubi byanze bikunze kandi agomba kujugunywa, kwivanamo ko urwanya leta ari mubi byanze bikunze kandi agomba kujugunywa, gutekereza ku byahise no kwirinda ibisa nabyo byazagwirira abanyigihugu mu bihe biri imbere haramutse nta gikozwe ngo bikumirwe. Ikindi gikomeye cyane, kwemera amateka yabaye n’ibibi cyangwa se uruhare twayagizemo, no kwifuza ko byagaragazwa, hanyuma icyakorwa (imbabazi rusange cyangwa se guhanwa rusange) bikaba ingingo nganirwaho kandi ikabonerwa umwanzuro ukwiye. Ubundi hagakorwa ibishoboka byose ngo intiti z’abanyarwanda zinganjemo iziri mu Rwanda zibohorwe: kuko ziragoswe ziraboshywe, ziri mabuso y’imitekerereze, inyinshi ziri no mu myanya ikomeye n’izigisha kaminuza zashyize ubwenge muli firigo, yewe ntawabura kuvuga ko zigize inkomamashyi bimwe bya mpemuke ndamuke, kandi arizo zagombye gufata iya mbere mu gufata urumuri no kurutunga ngo ahatabona habonesherezwe. None zahindutse izo gupfukirana urumuri kubera ubwoba no kudaha agaciro ubuzima n’icyubahiro byazo! Birababaje ariko niko bimeze.
Hakwiye gushimwa kandi zimwe mu ntiti zanze kwiyambura icyubahiro zikanga no gupfurika ubwenge n’ubupfura muri firigo, Imana ikomeze izibe hafi. Abanyamadini n’abayobozi b’amadini bigize inkomamashyi nabo baragirira nabi rubanda cyane, barahemukira abanyarwanda n’Imana yabaremye, bihaye kwasama ngo batamikwe mu batamikwa kandi babereyeho kuyobora za roho, bamwe bajugunye icyo babereyeho maze bambara umugayo imbere y’amaso y’Imana n’abantu.
Ubutegetsi buriho: bukwiye kwigabanyiriza umubare w’abanzi kuko abenshi ari abo bwiremeye bwo ubwabwo bagahinduka abanzi ku bw’imbaraga ziba zashyizwe mu kubahindura abanzi. Bukwiye kandi gutekereza ku kibazo cy’abanyarwanda b’impunzi, kugabanya no kureka ibitutsi mu mvugo kuko ali umuco mubi, no kwemera kunengwa kugira ngo nabo ibyo banenga bihabwe umwanya n’agaciro n’abandi.
Abarwanya ubutegetsi buriho cyangwa se abaharanira gusimbura ababuriho ku ngoma: bakwiye kunoza neza umurongo no gushakisha inzira zishoboka zose zo kwigisha umubano mu banyarwanda, bakarekera aho kuvuma abandi banyarwanda no kubahindanya muri byose nk’aho ubutegetsi buriho nta na kimwe bwagezeho. Kugabanya no kureka imvugo itukana ntibikwiye, ndetse bigomba gucika. Kurwanira imyanya no guharanira kuvanaho no guhirika ingoma ngo bafate hanyuma bazabe batekereza byo sibyo habe na gato. Nibatekereze ubu kugira ngo nibahabwa n’amahirwe yo kuzayobora, bazabe bazi aho bifuza kugana no kuganisha igihugu.
Abo bose nibivanemo inzangano zishingiye ku moko, uturere, inkomoko, ururimi, n’ibindi. Nibiteremo bose kwemera ko ubwicanyi bwakorewe abanyarwanda buvugwa, kandi ingeso yo gushaka guhishira ibyabaye cyangwa guciraho iteka bamwe abandi bagaramye mu nzigo y’amaraso bamennye nabo birasenya ntibyubaka. Inzigo izatsembwa mu mitima habayeho ukwinegura, ukwigaya, n’ugufata icyemezo gihamye. Ukwica icyiru bibayemo nabyo ntako byaba bias kuko byafasha ababyiruka ubu n’abazavuka kugendera mu murongo muzima kandi uhamye.
Sinarangiza ntashimye Rudasingwa Tehogene mu itangazo yasohoye rya RNC-Nshya, aho avuga ko Imbabazi-Rusange ari kimwe mu bigomba gutekerezwaho no gushyirwa imbere kugira ngo amahoro arambye abe yagerwaho.
Prosper Bamara
Dakar, Senegal
05 Nyakanga 2016Iyo Kagame aririmba ngo «nta coup d’état» ishoboka mu Rwanda, umenya aba asa n’aho avuga ibyo azi. Iyo ahinduye Itegekonshinga uko yishakiye, kugirango azasazire ku butegetsi, bisa no kwerekana ko abamurwanya badahari. Iyo minisitiri we w’Ububanyi n’amahanga avuze ko abarwanya ubutegetsi bakorera hanze y’igihugu bameze nk’aba «charlatants», umenya na we aba azi ibyo avuga.
Nyuma y’uko RNC icitsemo ibice, izi mvugo z’abayobozi b’u Rwanda zisa n’izatsindagiye ukuri kwambaye ubusa ku biyita ko batavuga rumwe n’ubutegetsi bw’i Kigali.
Mu ntangiriro y’iki cyumweru abashinze ishyaka rya politiki, na ko ihuriro nyarwanda (RNC), bacitse mo ibice bibiri. Igice kimwe ni ikiyobowe na Gén. Kayumba Nyamwasa (wahungiye Kagame muri Afurika y’Epfo), n’ikindi gice kiyobowe na Dr Théogène Rudasingwa (wahungiye Kagame muri Leta Zunze ubumwe za Amerika).
Yaba Kayumba, yaba na Rudasingwa, bombi bari magara ntunsige ba perezida Kagame. Kayumba yakoze imirimo ikomeye nka maneko mukuru, chef wa gendarmerie, umukuru w’ingabo, ambassadeur, naho Rudasingwa we akaba yarigeze kuba ambassadeur w’u Rwanda muri Leta Zunze Ubumwe za Amerika, mbere yo kugirwa umuyobozi w’ibiro bya perezida Kagame (directeur de cabinet).
Ubwiru mu icikamo ibice kwa RNC
Iyo umuntu ateze amatwi ibisobanuro bitangwa n’abayobozi b’iri shyaka, ibisobanuro bijyanye n’icikamo ibice kwabo, bose usanga barangwa n’ubwiru, ubwiru bushingiye k’ukujijisha abanyamuryango b’iri shyaka, kugirango batagira icyo batahura ku byabaye (affaire interne).
Kuri Dr Rudasingwa, inzira zabyaye amahari kubera ko ngo hari agatsiko k’abasirikari b’abatutsi bakoreraga Gén. Kayumba Nyamwasa, aho gukorera ishyaka; naho Gerivasi Condo na Jean-Marie Micombero (bari ku ruhande rwa Kayumba) bo bakemeza ko icyajyanye Rudasingwa ari uko ngo yatinye amatora yari ateganyijwe vuba aha, amatora yashoboraga kumuhirika ku mwanya w’umuhuzabikorwa rusange, yari amazeho imyaka hafi itandatu.
Bamwe mu bayoboke ba RNC nashoboye kuvugana na bo, bemeza ko ibi bisobanuro abayobozi babo batanga ntaho bihuriye n’ukuri, ko ikibazo nyamukuru gishobora kuba ahubwo ari umutungo w’ishyaka wanyerejwe, dore ko iri shyaka ngo ryari mu mashyaka make akorera mu buhungiro yari afite umutungo utubutse, Rudasingwa akaba yabishingutse mo amaze kumenya ko abawucungaga batangiye kuwigabiza.
Nubwo ibi bigihwihwiswa, byenda gusa n’ukuri kuko ntibyumvikana ukuntu aba bagabo bombi bari gupfa ibintu bisa n’ibyo abana bapfa, ibintu bitagira umutwe n’ikibuno. Iby’uko muri RNC harimo abasirikari, nta banga ryarimo, cyane ko abashinze iri shyaka bose bahoze ari abasirikari bakomeye mu ngabo z’u Rwanda.
Icy’uko Rudasingwa yatinye amatora yari agiye kumuhirika, na byo nta gaciro bifite kuko politiki ya RNC yasaga n’irwanya ubutegetsi butinya amatora. Atari ibyo, abagize RNC iyo babona hakiri kare ko Rudasingwa ntaho yari atandukaniye na Kagame, bari kuba baramusimbuje undi, inzira zitarabyara amahari.
Irindi sesengura ritangwa na bamwe mu banyamuryango ba RNC ni uko ngo muri iri shyaka habonetsemo abashaka gushyira ukuri kose ahagaragara, ukuri kwerekeranye n’ubwicanyi FPR yakoze mbere na nyuma yo gufata ubutegetsi, kugeza ku rupfu rwa perezida Habyarimana, ubu rugifatwa nk’ubwiru na bamwe mu bayobozi ba RNC.
Jonathan Musonera, usa n’aho ashaka gutomora ukuri kose kujyanye n’izi mfu, kuko zimwe yemeza ko yanazihagazeho, na Rudasingwa watinyutse kwemeza ko indege ya Habyarimana ari ingabo za Kagame zayihanuye, ndetse agasaba imbabazi abanyarwanda z’uko ngo yakomeje kupfukirana ukuri, uku kuri ngo kwasaga n’ugukomeretsa Kayumba Nyamwasa, kuko ngo yari mu bafashe iya mbere mu gufata ibyemezo byo guhanura iyi ndege, mu by’ukuri yabaye imbarutso ya génocide yakorewe abatutsi.
Isesengura ryaturutse ku rundi ruhande rwizewe ni uko ngo imiryango mpuzamahanga irengera uburenganzira bw’ikiremwamuntu yakomeje gusaba ko Kayumba, uri mu basirikare bakuru 40 b’ingabo z’u Rwanda bashakishwa n’inkiko mpuzamahanga, yashyikirizwa izi nkiko, akaburanishwa ku cyaha akekwaho cyo guhanura iyi ndege ya perezida Habyarimana. Ibi ngo bikaba bishobora kuba mu mpamvu zatumye Rudasingwa atandukana n’uyu mugenzi we, kuko ngo Kayumba ashobora kuba ikigusha mu kugirira icyizere ishyaka ryari ritangiye kuyobokwa na benshi, abahutu n’abatutsi.
Irindi sesengura rituruka mu bahutu bari bagize iri shyaka, ryo risa n’iriheza inguni: ngo ntibavugaga rumwe n’abatutsi barishinganye kubera ko ngo muri aba batutsi abemera «révolution yo muri 59» ni mbarwa.
Impaka ngo zari urudaca, iza ngo turwane, hagati y’aya moko yombi, impaka zijyanye n’iyi nyito yitwa «révolution yo muri 59», mu by’ukuri yamenesheje abatutsi benshi mu gihugu.
Bamwe mu bahutu, bemezaga ko iyi «révolution» yari ngombwa, ngo barimo Ngarambe, Dr Emmanuel Hakizimana (wasetaga ibirenge) na Condo ngo utagiraga uruhande rugaragara abogamiraho. Aba bose, ngo nubwo barimo abasigaye mu ishyaka, bakaba mu by’ukuri ngo bari udukingirizo muri RNC, Rudasingwa na Musonera ngo bakaba barakomeje gushakisha uburyo bababohoza, none ibohoza ryakubise igihwereye!
Kuba ariko Rudasingwa na Musonera bashakaga kubabohoza, ngo si uko na bo bemeraga iyo «révolution» ijana ku ijana, ahubwo ngo byari uburyo bwo kwihisha inyuma y’iyi turufu kugirango babone abayoboke b’ishyaka rishya bashakaga gushinga, ibi na none mu rwego rwo gukwepa amatora no kurwanira gukomeza kuba abalideri, nk’uko abanyapolitiki bose bakorera mu buhungiro, bateye: buri wese mu bashinga amashyaka, yumva agomba kurigira akarima ke, ari na yo «faiblesse» na «défaillance» Mushikiwabo ababonamo.
Isesengura rya nyuma, rishobora kuba na ryo rifite ishingiro, ni iry’uko abigumuye kuri bagenzi babo muri RNC, ngo bakoreshejwe na Kigali. Abenshi muri bo ngo nta kazi gafatika bagiraga, akazi kagombye kubatunga n’imiryango yabo, uko bikwiye. Ngo byari ukwirya bakimara kuri byose, yewe n’ingendo bakoreraga hanze y’aho batuye ngo basabirizaga ama «billets» y’indege n’ibizabatungirayo.
Ibi ngo bikaba byari mu byarakaje Rudasingwa, amaze kumenya ko umutungo w’ishyaka bamwe muri bagenzi be bawuteye mo imirwi, birengagije uburyo yari yaritangiye ishyaka kuri byose, nta nyungu agamije. Ubu bukene ku bari ku bushorishori bwa RNC, ubutegetsi bw’i Kigali ngo bukaba bwari bwarabuteye imboni cyera, ngo buhitamo kuba «proposa» imyanya yo gutaha, nk’uko busanzwe bubigenza ku basa n’abarwanya ubutegetsi bw’u Rwanda, aho bava bakagera kuri aka gasi k’i Burayi na Amerika.
Amabanga y’ingoma
Nk’uko amabanga y’ingoma ngo amenywa n’uwayibaje, ukuri kuri ibi bivugwa byose, kukumenya ntibyoroshye; uretse gutegereza ikizakuva mo.
Mu kiganiro yagiranye n’imwe mu maradiyo akorera ku mbuga nkoranyambaga, Jean-Marie Micombero yemeje ko ukuboko kwa FPR adakeka ko guhari mu guca mo ibice ishyaka rya RNC, ko ahubwo ikibazo nyamukuru ari amatora Rudasingwa yatinye, dore ko bagenzi be bajyanye (Ngarambe, Musonera) bo batanashyirwa mu majwi.
Mu magambo asobanura neza, amagambo yuzuye ubuhanga mu gusesereza bagenzi be bashwanye, Micombero arasa n’uwizera ko batari inyuma y’ubutegetsi bwo mu Rwanda, ko ahubwo bishoboka ko bashinze undi mutwe wa pokitiki urwanya ubutegetsi bwa Kagame, ariko na none agakekeranya avuga ko biramutse ari ibyo, byaba ari inyungu mu zindi, ari byo yise «valeur ajoutée» mu rurimi rw’igifaransa.
Byaba inyungu mu zindi, byaba inyungu za politiki, byaba akaboko karekare mu isanduku ya RNC, byaba ivanguramoko mu ishyaka, byaba imyumvire ishingiye ku mateka yacu, byaba ukwikunda kwaranze abayobozi b’amashyaka akorera mu buhungiro, byaba «faiblesse» cyangwa «défaillance» ya Mushikiwabo, ikigaragarira benshi ni uko «opposition» nyarwanda irwaye muraramo.Amiel Nkuliza,
Sweden
Ishyaka ISANGANO-ARRDC Abenegihugu riramenyesha abanyarwanda n’abanyamahanga ko kuva kuri iyi tariki iri tangazo rishyiriweho umukono, ISANGANO rihindutse mouvement politico-militaire de libération (ishyaka rya politiki rifite ingabo zo kubohora igihugu). Iki cyemezo cyafashwe nyuma y’ubufatanye no kwishyira hamwe hagati y’ISANGANO-ARRDC ABENEGIHUGU na Forces pour la Protection du Peuple (FPP-Abajyarugamba) bigakora umutwe umwe rukumbi w’ISANGANO ukorera hamwe Politiki, diplomasi no kubohora igihugu.
Ikicaro gikuru cya FPP-Abajyarugamba ubu kibarizwa i Rutshuru muri Repubulika iharanira Demokarasi ya Kongo (RDC). Commandant ukuriye ishami ry’abasirikare ni Colonel Amani Simplice. Akaba yungirijwe n’abasirikare bandi bakuru bafite imirimo itandukanye. Umuvugizi wa gisirikare ni Capt MAYANGA ubarizwa kuri Tel 00243821850827 (N.B:azajya yemera kuvugana gusa n’abanyamakuru ba Radiyo, televiziyo, ibinyamakuru n’abandi bantu bafite ibyo bahagarariye). Abafite andi matsiko y’ibindi bifuza kumenya batwandikira kuri email: isangano.arrdc@gmail.com.
ISANGANO riboneyeho kandi kwifuriza abanyarwanda bose umunsi mwiza wa Demokarasi twizihiza ishingwa rya Repubulika y’u Rwanda tariki 28 Mutarama 1961. Tuzirikane cyane intwari z’abanyarwanda zitanze zikagobotora u Rwanda ku butegetsi bwari bwarapfukiranye Rubanda nyamwishi mu icuraburindi rya gihake, uburetwa, ubuja, ikinyoma, ubwicanyi, kwikuza, n’ibindi bibi byaranze ingoma ya cyami mu myaka ikabakaba 500.
Bishyiriweho umukono mu Budage tariki 28 Mutarama 2015
1. Jean Marie Vianney Minani,
Umuyobozi Mukuru w’ISANGANO (sé)
n’i Rutshuru muri RDC:
2. Col Amani Simplice
Commandant des FPP-Abajyarugamba. (sé)
3. Lt Col. Gilbert KANUMA
Commandant-Adjoint des FPP-Abajyarugamba et chargé des relations de coopération avec d´autres mouvements de libération (sé)
4. Cpt Mayanga, Porte parole FPP-Abajyarugamba (sé)
Tel 00243821850827
5. Major Simon Samuel BYUKUSENGE,
conseiller particulier du Président ISANGANO et chargé des affaires militaires et liaison de FPP-Abajyarugamba (se)
You must be logged in to reply to this topic.
