Rwanda › Forums › Rwanda Facts › The Rwanda Big Lie › Reply To: The Rwanda Big Lie
Bavandimwe duhuje igihugu cy’U RWANDA, mperutse gusoma impuruza KU RUBUGA RWA VERITAS y’uwiyise Jean Kalisa yandikiye abanyarwanda ngo bahaguruke bice cyanga bicishe Byiringiro w’umukiga uyoboye by’agateganyo FDLR .
Iyo nibutse ikinyamakuru kitwa Impuruza Kimenyi Alexandre, umtutsi w’umuhezanguni yandikaga cyane cyane mu bihe bya za 1990 inkotanyi zitera u Rwanda n’akarere rutuyemo, mbona Veritas ya Twagiramungu na Wilson ifite isano cyane n’iyo Mpuruza.
Kimenyi yakomye akamo biratinda ngo abatutsi n’abafitanye amavu n’amavuko nabo bose bave mu bihugu byose barimo baze ku nkiko z’u Rwanda barungurukemo imbere bazabona imonyo zijagatamo, bazarohemo imirirro y’amabombe babone kurutaha. Bivuga ngo ntibazarote kuzarwicaramo hakirimo umuhutu ugaragara.
Urwango rumeze nkurwa Kimenyi nta handi narubonye usibye muli Veritas ya Wilson na Twagiramungu. Abatutsi b’abacurabwenge ba FPR baricaye biga gahunda yo gukwiza ibinyoma bikabije ku bahutu. Iyo ntwaro y’uburozi niyo yarikoze, nubwo ibintu byatangiye gusobanuka, ariko burya abafaransa nibo bavuga ngo “LE MAL VIENTT VITE MAIS POUR REPARTIR IL LUI FAUT DU TEMPS” Ngo IKIBI GIKWIRAKWIZWA BWANGU ARIKO KUGIRA NGO KIZAHANAGURWE HAGOMA IGIHE KIREKIRE.
None abacurabwenge b’umutwe witwa CNRD-UBWIYUNGE nabo barangajwe imbere n’abafashe amasomo mu nkotanyi nka Twagiramungu Faustini bati “FDLR iragapfa ni iy’abakiga tugomba gushyiraho ingabo z‘abanyanduga. Barangiza bagahimba ibinyoma bigayitse byo guharabika nka bya bindi Kimenyi n’abandi bacurabwenyge ba FPR bakwirakwije ku isi kugira ngo ntihakazagire umuhutu wongera kubura agatwe.
Ese mama izi nkunguzi zasanze ayo mabi ya Kimenyi ari urugero rwiza rwo gukulikiza? Ese uwo Kimenyi harya byaramuhiriye? Ese abo bazengurutse isi basebya abahutu ngo isi ibange izanabahanagure ku isi ubu bo bamerewe neza? Muzabyigeho muzansubize.
Ndifuza ko turebera hamwe iyi Veritas icyo ari cyo kandi tukayihanurira. Umuhanuro ukomeye ni uyu: Kimenyi n’agatsiko k’abacurabwinge ba FPR bahuruje abandi ngo bajye mu karere bakureho umwanda witwa IMONYO-ABAHUTU, ariko nyuma Kimenyi n’abandi batutsi bafite umujinya w’umuranduranzuzi nabo rwabagezeho kandi bo atari IMONYO !! Na veritas rero reka turebe ubugome nka buriya bwuzuye mu nyandiko nk’iriya yanditwe n’uwiyise Kalisa Jean icyo zizabyara.
1.Ese ko Ijambo Veritas bivuga UKURI, mwasanze UKURI kw’abo banditsi ari UKUHE?
Veritas ni ijambo ry’ikilatini rivuga Verité mu gifaransa, mu Kinyarwanda rikavuga UKURI. Nyamara iri jambo ni nka ya magambo meza nigeze kuvuga aba-negriers (abacuruzi b’abanyafurika) bandikaga ku mato atwaye bunyago inzirakarengane z’abanyafurika zijyanywe muri za Amerika, abenshi ndetse bakabakubita agafuni mu mayira bagasunikira mu Nyanja, hakazagerayo mbarwa. Ubwato nkubwo bakabwandikaho VERITAS. Ngiyo Veritas ya Twagiramungu irata akazina keza nyamara imbere mubyo ivuga ari umunuko w’urwangano.
Nawe se abantu badafata amasomo ku mateka kandi ngo barize bamariye iki igihugu n’isi? Abategetse mbere bagakuza ubunyenduga se bageze kuki?Abaje bitwaje ubukiga se bageze kuki? Abaremye impuruza zo kumara abo bise imonyo se bageze kuki? None Twagiramungu na Wilson bashaka kugera ikirenge mu cy’abo bose bazagira se icyo bageraho? Twagiramungu afite indwara yitwa KIGA-NDUGA, azi neza ko yayikoresheje mu mashyaka muri za 1990s yirirwa yita abantu baturuka muri za Ruhengeri na Gisenyi ngo bo ntabwo ari aba MDR ngo ni ibyitso bya Habyarimana-MRND. Ese abo yashutse ngo babe inkotanyi nka we abenshi bari hehe? Icyakora we yarisimbukiye, abanyantege nke barabarimarima. None koko Rukokoma afatanyije na Wilson arasubiriye?
2. Reka mbibutse urugero rufatika rw’indwara ya Twagiramungu ikomeye nakwita KIGA-NDUGA ihora ituma aribwaribwa ubuziraherezo.
Hambere aha murazi uburyo baharabitse umugabo uzwiho ubwitonzi n’ubumanzi witwa Ntiwiragabo wabaye intwaramuheto mu ngabo za kera mu Rwanda. Muri Veritas ya Twagiramungu baramwikoreye baramubeshyera, baramutuka bamwitirira amahano aruta ayo Kagame akora. Ubwo yaziraga iki? Nta kindi ngo nuko yitwa ko yavutse mu karere kiswe URUKIGA.
Abo bashizi b’isoni baje gukubitwa n’inkuba babonye umwe mu ntwaramiheto nawe mu ngabo za kera, avumbukanye inyandiko yuzuye UKURI nyakuri kuri uwo mugabo warenganaga. Nyamara uwo mugabo wabavuguruje ntabwo ari umukiga, avuka mu gice kiswe NDUGA. Ese aba bantu bandika VERITAS nta soni bumva bafite iyo bandika basebanya bakabona umuntu w’iwabo ariwe ubahagaritse muri ayo mahomvu? Ese babona Rukokoma n’ubucabiranya bwe ariyo mico izabaha agaciro imbere y’abanyarwanda bafite imitima mizima?
3. Iyo rero babonye ko hari abanyenduga bazima (kandi nibo benshi) bikomereje inzira y’ukuli yo gukunda abandi no kwamagana irondakarere aho ryaba riturutse hose, bavuga ko abo ari ibyitso bya Habyarimana n’abakiga!
Munyumvire aho abantu nk’aba ngo bashaka kutuyobora bageze mu myumvire…Ibi ndabivuga mbifitiye gihamya. Muri 1993 intwari Emmanuel Gapyisi amaze gushyiraho FORUM PAIX ET DEMOCRACY we n’abandi basore batatu baturuka mu turere dutandukanye, Rukokoma yarahagurutse amushumurira inkotanyi n’abandi bahutu b’inkunguzi nk’aba ngaba bakuza inzangano muri VERITAS. Kimwe muri ibyo binyamakurru cyavumbutse cyandikwa nuwitwa Sigisbert Musangampfura ubu uri mu cyitwa INKUBIRI yitandukanije na FDU-INKINGI nabyo biturutse kuri KIGA-NDUGA. Ngo FDU irimo igiKIGA cyane…Icyo kinyamakuru kitwaga La Nation nicyo cyarikoroje ngo Emmanuel Gapyisi agomba gupfa bashyira ifoto ye irimo kurundukira mu mva ku ipaji ya mbere. Ngo kubera ko yari afatanije n’abandi basore ariko batari abo mu NDUGA ngo ubwo yari icyitso cya Habyarimana n’abakiga.
Hari tariki ya 28 Gicurasi 1993. Nimugoroba w’uwo munsi nibwo Gapyisi yarasiwe imbere yiwe atahutse avuye ku kazi. Uwamwishe ubu byaramenyekanye ni ibitsimbanyi bya Karake Karenzi, inkotanyi y’amarere yamaze imbaga hariya mu Rwanda no mu karere k’ibiyaga binini. Ubwo se Rukokoma na Musangampfura bahakana ko ataribo bamugaburiye inkotanyi ngo zimuhitane? Ese aba bahutu bo muri VERITAS bakurikiye Rukokoma ngo nuko abigisha kwangana hari ikindi bamariye abanyarwanda usibye kubamarisha?
Banyarwanda, banyarwandakazi. NDUGA, KIGA ntayo dufite KAGAME yarayitwariye maze ahahinga itabi, nkuko yari yarabisezeranye n’izindi nkotanyi zica mu mvugo no mungiro. Aho kugira ngo dufatanye turebe uko twasubira iwacu twambuwe mu maherere, ba Veritas bo barimo guhuhura abibabariye ngo barabaha NDUGA yabo muri Zayire no mu Burayi….Mbega ubugome!!!!!
Bene wacu bararimbutse bazira abahutu b’inda nk’abangaba. Icy’aba bahutu ni ukumaranira gutegeka no kwirata batareba ingaruka z’imyitwarire yabo ku nzirakarengane RUBANDA. Iyo myitwarire mibi na cyane cyane kwitwaza uturere nkuku ba VERITAS bameze. Irategeka Wilson nkuko nabikomojeho, yahuruje abatareba kure ngo bamukurikire abashingire igisirikare cy’abanyenduga. Ese Ubunyenduga cyanga Ubukiga nibwo butwari? Njye nemera ko ubwenge ntaho buhuriye n’uturere, bityo abantu bakuza akarere aho gukuza ibitekerezo nkaba mbona ari ba NTAMUMARO, ba NTAKAVURO, ba BWENGEBUKE ba MPFIFARANGA, na ba BANZIBURWANDA
Ndahamagarira abanyarwanda bashaka kuzasigira isi abantu bafite ubumuntu n’ubwenge, kwamaganira kure abandika VERITAS n’abandi bameze nkabo. Abantu bakuza Ubunyenduga bwabo cyanga Ubukiga baratwicishiije bihagije, abakomeje ayo mabi tubamwaze bajye bagenda mu nzira basa n’ibisambo. Ese abakurikira ibi bisambo byaguzwe na ba Gashakabuhake ngo bikomeze bidindize abahutu bazahere mu icuraburindi bo ni bazima?
